"Angele Dei" by Unknown Author (in Latin and translated into English and French)

Angele Dei,
qui custos es mei,
Me tibi commissum pietate superna;
(Hodie, Hac nocte) illumina, custodi, rege, et guberna.
Amen.     

Angel of God,
my guardian dear,
To whom his love commits me here;
Ever this (day, night) be at my side,
To light and guard, to rule and guide.
Amen.

Ange de Dieu,
qui es mon gardien,
et à qui j’ai été confié par la Bonté divine,
éclaire-moi, défends-moi,
conduis-moi et dirige-moi.
Amen.


The original prayer by Reginald of Canterbury, in "Life of St. Malchus".

   Angele, qui meus es custos pietate superna,
   me tibi commissum serva, tueare, guberna;
   terge meam mentem vitiis et labe veterna
   assiduusque comes mihi sis vitaque lucerna.

   Angele, fide comes, sapiens, venerande, benigne,
   me movet et turbat mortis formido malignae
   intentatque mihi poenas et tartara digne,
   tu succurre, precor, barathri ne mergar in igne.

   Angele, confiteor, quia saepe fidem violavi
   spiritibusque malis numeroso crimine favi
   et praecepta Dei non, sicut oportet, amavi,
   proh dolor, et Christum prave vivendo negavi.

   Angele, quando meos actus per singula tango
   meque reum mortis video, per singula plango,
   ora rigo lacrimis, mentem cruciatibus ango;
   his me solve malis, et laudes votaque pango.

   Angele, me iugi tua salvet cura rogatu,
   ne pro multimodo peream damnerque reatu,
   me de terribili tua liberet ars cruciatu,
   dignus ut angelico possim fieri comiatu.

   Angele, qui nosti, quae sunt in fine futura,
   qui medicus meus es, mea spes, mea vulnera cura,
   vulnera, mens quibus est, nisi cures me, peritura;
   ergo mei cordis fac sint penetralia pura.